Transcription
1
Monseigneur, despuys nos dernières letres
2
est advenu que le cappitaine Ferrier avec ung
3
nombre de six à sept cens hommes, tant
4
de pied que de cheval, ramassez, a couru tous
5
les villages de ce quartier, assavoyr La
6
Saulce, Neffes, Pelheautier, Château Vieulx,
7
Lestrect, Vaulserres, Sainct-Estiene, Avanson,
8
et après sen va au lieu de Chorges à
9
cause que certains soldatz de La Bastie
10
Neufve sont venus treuver Pierre Chaurain
11
le vieulx et son plus jeune frère audit lieu
12
de Chorges oùt ilz estoient pour visiter
13
leur seur et ont blessé jusques
14
à la mort dung coup dallabarde ledit
15
Pierre Chaurain le Vieulx qui ne faisoyt
16
que venir de France avec passe port
17
de Monsieur roy de Pollogne et ont prins
18
prisonier laultre et mené au chasteau de
19
La Bastie avec toutes leurs hardes,
20
de sorte que ledit Ferrier et sa troupe
21
font courir le bruyt quilz sen vont
22
à Chorges pour ruyner tout pour vengeance
23
de ce que dessus, disans que par ce moyen,
24
on na rompu la treuve, combien que
25
ledit Ferrier et sa troupe laye rompu
26
premier, car ilz ont bruslé leglise de
27
Château Vieulx et les meubles des maisons
28
Oùt ilz ont lougé et verssé les vins et
29
[137 v°] sont après de brusler les eglises de
30
la vallée d’Avanson. Ilz ont mis à la fain
31
tous lesdits villages et sont après dachever
32
les aultres ; de quoy navons volu fère
33
faulte vous advertir, monseigneur, comme
34
somes deliberés fère de tous ce que
35
passera dung jour à aultre ; et par
36
là, votre seigneurye entendra comme eulx
37
mesmes sont les premiers qui ont
38
rompu la trefve. Quant aux gentilhomes
39
de Champsaur et aultres de leurs
40
troupes, ilz nont rien faict de noveau
41
encores et se sont contenus durant
42
la trefve ; que sera la fin, après
43
vous avoir presenté nos très humbles
44
recommandations à vos bonnes graces, pryant
45
Dieu,
46
monseigneur, vous maintenir en sa saincte
47
garde, avec très longue et très heureuse
48
vie. De Gap, ce VIIIe febvrier.
49
Vos très humbles et très obeyssants
50
serviteurs les consulz de Gap
51
Chambaud